Water.org

Tout travay reyabilitasyon ponp sa fini. Li rete sèlman pou pwi sa inogire. Animatè ak moun nan kominote sa nan seyans repetisyon pou rantre nan pwogram jesyon HO.

Pwi sa preske fin repare akòz Bouyara fò operasyon pa ka travèse li pou al repare lot ponp ki lotbò dlo.

Lendi 12 Septanb se te evalyasyon 8 pwi kominotè ki te nan 5èm trimès fòmasyon jesyon pwi kominotè nan Pignon pwogram Haiti Outreach ke Water.Org ap finanse nan peyi a pou ede kèk kominote nan domèn dlo potab pou sa: Sipèvizè pwojè te reyini komite sa yo pou evalye yo selon sa yo te aprann nan duran fòmasyon e pou jwenn asurans komite yo sou bòn jesyo pwi sa yo aprè yon fin repare.

Sous ou ap gade la li gen plizyè ti trou kap souse dlo ap soti anlè nan tèt mòn ki sou rivyè. Chak moun ki vin pran dlo fòk yo travèse rivyè epitou chak moun ka chwazi pran dlo nan yon ti twou gen moun nan popilasyon ki pa neglije bwè dlo sous yo malgre maladi ap fè ravaj. Men moun yo trè enterese pou reyisit reparasyon pi sa.

Samdi ak dimanch sete inogirasyon plaj RABILLOO GARDEN. Malgre lapli te gen bel fèt nan plaj la. Kom se premye fwa nou rankontre sa konnya si ou vinn vizite Pignon pa ezite mande pou Fontèn pou al vizite plaj sa. Mezanmi pa bliye C'EST UNE PLAGE A L'EAU DOUCE se pa dlo sale!!!

Yon gwoup sitwayen nan zòn mete ansanm pou kreye yon aktivite nan zòn nan, se pa selman kote ki gen lamè ki gen plaj ebyen me li larivyè tounen plaj menm si li pa sale men li plaj yon fason pou jèn jwenn yon kote pou yo distrè yo nan week-end ak lè gen vakans. Espas ou ap gade la se li menm gwoup sitwayen sa yo ap fouye pou rezève pou moun benyen, rete branche semèn pwochèn nap pote imaj plaj la.

Aprè rankont popilasyon kote yo te fè chwa Mr Otelan pou gadyen distribisyon dlo-a. Komite jesyon pwi-a te chita pou siyen kontra ak gadyen e li aksepte tout kondisyon komite ba li pou asire distribisyon kòm sa dwa.

Ti trou sa nap gade li sou wout kote moun pase, yo rele wout nasyonal yo fouye yon ti twou yo jwenn dlo ladann nou pa konnen si yo bwè men se avek dlo sa yo fè travay menajè takou pou: lave rad, veso benyen elatriye...

Komite reyini pou ekri prensip konsènan fonksyonman komite.

Akoz sezon siklonik lapli ap tonbe nan Komin Pignon chak aprèmidi gen yon rivyè ki rele Bouyara rivyè li kominike ak plizyè lòt rivyè nan zòn avwazinant ki devèse nan Bouyara sa lakòz animatè ki ranplase SEIDE Michel la pa kapab kontinye travay ak komite Fontèn nan. Lendi pwochen animatè rekòmanse travay nan kominote sa.

Fontèn gen anviwon 250 moun k'ap vin ladann. Komite sa tèlman gen pwoblèm dlo se nan rivyè yon fouye tou sab pou pran dlo pou bwè, yo tèlman entèrese pou Haiti Outreach/water.org vin repare yon pwi yo gen zòn ki anpàn, komite sa mache nan tout reyinyon animatè ap fè ak lòt kominote ki tou pre yo. Lè yo ouè gen lòt ponp ki repare nan yon zòn ki pi wo pase yo, yo fè delegasyon vin nan biwo HO. Kidonk komite-a tèlman fò yo prè pou evalyasyon selon rezilta premye reyinyon HO te gen avèk yo.